ಪಾಟ್ನಾ: ಬಿಹಾರದ ಮೂಲಸೌಕರ್ಯ ಅಭಿವೃದ್ಧಿಯನ್ನು ಅತಿಶಯೋಕ್ತಿಯಾಗಿ ಬಿಂಬಿಸಲು ಬಿಜೆಪಿ ನಾಯಕರು ಕೃತಕ ಬುದ್ಧಿಮತ್ತೆ (AI) ತಂತ್ರಜ್ಞಾನ ಬಳಸಿ ಎಡಿಟ್ ಮಾಡಿದ ವಿಡಿಯೋವೊಂದನ್ನು ಹಂಚಿಕೊಂಡಿದ್ದು, ಸಾಮಾಜಿಕ ಜಾಲತಾಣಗಳಲ್ಲಿ ತೀವ್ರ ಟೀಕೆಗೆ ಗುರಿಯಾಗಿದೆ. ಬಿಹಾರ ಬಿಜೆಪಿ ಹಾಗೂ ಪಾಟ್ನಾ ಸಾಹಿಬ್ ಕ್ಷೇತ್ರದ ಸಂಸದ ರವಿಶಂಕರ್ ಪ್ರಸಾದ್ ಅವರು ಹಂಚಿಕೊಂಡಿರುವ ಈ ವಿಡಿಯೋದ ಅಸಲಿಯತ್ತನ್ನು ನೆಟ್ಟಿಗರು ಮತ್ತು ಪ್ರತಿಪಕ್ಷಗಳು ಜಂಟಿಯಾಗಿ ಬಯಲಿಗೆಳೆದಿವೆ.
चौंकिए मत, ये बिहार की राजधानी पटना है!
— BJP Bihar (@BJP4Bihar) June 4, 2026
जहां भाजपा-NDA सरकार,
वहां विकास की तेज रफ्तार… pic.twitter.com/Yy6BeuuIFN
सुंदर पटना – विकसित पटना
— Ravi Shankar Prasad (@rsprasad) June 3, 2026
भाजपा-NDA का वादा, एकदम पक्का pic.twitter.com/WjMcqP4UiF
ಪಾಟ್ನಾದ ಪ್ರಸಿದ್ಧ ‘ಜೆಪಿ ಗಂಗಾ ಪಥ’ದ ರಾತ್ರಿಯ ಸೌಂದರ್ಯವನ್ನು ಬಿಂಬಿಸುವ 12 ಸೆಕೆಂಡುಗಳ ವಿಡಿಯೋವನ್ನು ಬಿಜೆಪಿ ನಾಯಕರು ಪೋಸ್ಟ್ ಮಾಡಿದ್ದರು. ಇದರಲ್ಲಿ ರಸ್ತೆಯು ಅತ್ಯಂತ ಆಕರ್ಷಕವಾಗಿ, ದೀಪಗಳ ಬೆಳಕಿನಿಂದ ಜಗಮಗಿಸುವಂತೆ ತೋರಿಸಲಾಗಿತ್ತು. ಆದರೆ, ಈ ವಿಡಿಯೋ ಸಾರ್ವಜನಿಕರ ಕೈಸೇರುತ್ತಿದ್ದಂತೆ ತೀವ್ರ ಆಕ್ಷೇಪ ವ್ಯಕ್ತವಾಗಿದೆ. ಸ್ಥಳೀಯ ನಿವಾಸಿಗಳು ಇತ್ತೀಚೆಗೆ ಸಾಮಾಜಿಕ ಜಾಲತಾಣಗಳಲ್ಲಿ ಹಂಚಿಕೊಂಡಿರುವ ವಾಸ್ತವದ ದೃಶ್ಯಗಳಲ್ಲಿ, ಈ ರಸ್ತೆಯ ಪ್ರಮುಖ ಭಾಗಗಳಲ್ಲಿ ಕನಿಷ್ಠ ಬೀದಿ ದೀಪಗಳೂ ಬೆಳಗುತ್ತಿಲ್ಲ ಎಂಬುದು ಸಾಬೀತಾಗಿದೆ. ವಾಸ್ತವ ಹೀಗಿರುವಾಗ, ಪ್ರಚಾರದ ವಿಡಿಯೋದಲ್ಲಿ ಅತಿಯಾದ ಕೃತಕ ಬೆಳಕನ್ನು ತೋರಿಸಿರುವುದರ ಹಿಂದಿರುವ ತಾಂತ್ರಿಕ ಕುತೂಹಲಗಳನ್ನು ನೆಟ್ಟಿಗರು ಪ್ರಶ್ನಿಸಿದ್ದಾರೆ.
नरेंद्र मोदी के मार्गदर्शन में BJP ने AI से बना हुआ एक फर्जी वीडियो पोस्ट किया।
— Congress (@INCIndia) June 4, 2026
लोगों ने इनकी चालबाजी पकड़ ली और अब वीडियो डिलीट हो गया है।
झांसेबाज मोदी की खोखली इमेज ऐसे ही झूठ पर टिकी है, लेकिन अब इनका फर्जियापा चलने वाला नहीं। pic.twitter.com/eATVoOKujp
मोदी है तो 'फर्जीवाड़ा' है pic.twitter.com/hWnQKl20xB
— Congress (@INCIndia) June 4, 2026
ಈ ಕುರಿತು ಅಧಿಕೃತವಾಗಿ ವಾಗ್ದಾಳಿ ನಡೆಸಿರುವ ಕಾಂಗ್ರೆಸ್ ಪಕ್ಷವು, ಇದು ಕೃತಕ ಬುದ್ಧಿಮತ್ತೆ (AI) ಬಳಸಿ ಸೃಷ್ಟಿಸಲಾದ ಸಂಪೂರ್ಣ ನಕಲಿ ವಿಡಿಯೋ ಎಂದು ಆರೋಪಿಸಿದೆ. ಆದರೆ, ಈ ವಿಡಿಯೋ ಕುರಿತು ನಾವು ನಡೆಸಿದ ತಾಂತ್ರಿಕ ಸತ್ಯಾಸತ್ಯತೆಯ ಪರಿಶೀಲನೆಯ ಪ್ರಕಾರ, ಈ ವಿಡಿಯೋವನ್ನು ಸಂಪೂರ್ಣವಾಗಿ ಎಐ ಮೂಲಕ ಸೃಷ್ಟಿಸಲಾಗಿಲ್ಲ. ವಿಡಿಯೋದಲ್ಲಿರುವ ರಸ್ತೆ ಮತ್ತು ವಾಹನಗಳ ಸಂಚಾರದ ಮೂಲ ದೃಶ್ಯಗಳು ನಿಜವಾಗಿವೆ. ಆದರೆ, ರಸ್ತೆಯನ್ನು ಅತ್ಯಂತ ಸುಂದರವಾಗಿ ಮತ್ತು ವೈಭವೋಪೇತವಾಗಿ ತೋರಿಸಲು ಎಐ ಎಡಿಟಿಂಗ್ ಪರಿಕರಗಳ ಮೂಲಕ ಅತಿಯಾದ ಬೆಳಕನ್ನು (Excessive lights) ಕೃತಕವಾಗಿ ತುಂಬಿರುವುದು ತನಿಖೆಯಿಂದ ಸ್ಪಷ್ಟವಾಗಿದೆ.
“Beautiful Patna” actually AI Patna. Did you really fall for this or just propaganda? https://t.co/6WRMsUxEpr
— Swati Chaturvedi (@bainjal) June 4, 2026
Just imagine how disconnected this man is from his own city that he doesn't even know what it looks like 😭
— With Love Bihar (@WithLoveBihar) June 4, 2026
He is an MP from this city. The fact is they stay in Delhi and not Patna. Completely ignoring Bihar. https://t.co/yBZZt0Q7qi
BJP's national account sharing AI generated video to show development in Bihar
— Veena Jain (@Vtxt21) June 4, 2026
They have decided, they will not work but spread fake news instead 🤡
Real video 👇pic.twitter.com/s5fG9xKNeP https://t.co/IuPCzVZqN9
ಬಿಜೆಪಿಯ ಅತ್ಯಂತ ಮಹತ್ವಾಕಾಂಕ್ಷೆಯ ಯೋಜನೆಯಾದ ಜೆಪಿ ಗಂಗಾ ಪಥದಲ್ಲಿ ಕನಿಷ್ಠ ಬೀದಿ ದೀಪಗಳೂ ಇಲ್ಲದೆ ಸಾರ್ವಜನಿಕರು ತೊಂದರೆ ಅನುಭವಿಸುತ್ತಿದ್ದಾರೆ. ಜನರ ಈ ಮೂಲಭೂತ ದೂರುಗಳನ್ನು ಆಲಿಸುವ ಬದಲು, ಅದೇ ರಸ್ತೆಯನ್ನು ಎಐ ತಂತ್ರಜ್ಞಾನದ ಮೂಲಕ ಅತ್ಯಂತ ಪ್ರಕಾಶಮಾನವಾಗಿ ಎಡಿಟ್ ಮಾಡಿ ಪ್ರಚಾರಕ್ಕೆ ಬಳಸಿರುವುದು ಸಾರ್ವಜನಿಕ ವಲಯದಲ್ಲಿ ತೀವ್ರ ಆಕ್ರೋಶಕ್ಕೆ ಕಾರಣವಾಗಿದೆ. ತೀವ್ರ ಟೀಕೆಗಳು ವ್ಯಕ್ತವಾದ ಬೆನ್ನಲ್ಲೇ ಈ ವಿಡಿಯೋವನ್ನು ಡಿಲೀಟ್ ಮಾಡಲಾಗಿದೆ ಎಂದು ಕಾಂಗ್ರೆಸ್ ಹಾಗೂ ನೆಟ್ಟಿಗರು ವಾದಿಸುತ್ತಿದ್ದಾರಾದರೂ, ಸದ್ಯದ ಪರಿಶೀಲನೆಗಳ ಪ್ರಕಾರ ಈ ವಿಡಿಯೋ ಸಾಮಾಜಿಕ ಜಾಲತಾಣಗಳಲ್ಲಿ ಇನ್ನೂ ಲಭ್ಯವಿದ್ದು, ಅದನ್ನು ಡಿಲೀಟ್ ಮಾಡಲಾಗಿಲ್ಲ.
