ಕೊನೆಯ ಕ್ಷಣದ ಮೆರಿನೊ ಮ್ಯಾಜಿಕ್! ಬೆಲ್ಜಿಯಂ ಮಣಿಸಿ ಸೆಮಿಫೈನಲ್‌ಗೆ ಸ್ಪೇನ್ ಭರ್ಜರಿ ಎಂಟ್ರಿ

ಲಾಸ್ ಏಂಜಲೀಸ್: ಕೊನೆಯ ಕ್ಷಣಗಳಲ್ಲಿ ಮತ್ತೊಮ್ಮೆ ನಾಯಕತ್ವದ ಆಟ ಪ್ರದರ್ಶಿಸಿದ ಮೈಕೆಲ್ ಮೆರಿನೊ ಅವರ ಅಮೋಘ ಗೋಲಿನ ನೆರವಿನಿಂದ ಸ್ಪೇನ್ ತಂಡವು ಬೆಲ್ಜಿಯಂ ವಿರುದ್ಧ 2-1 ಅಂತರದ ರೋಚಕ ಗೆಲುವು ದಾಖಲಿಸಿ ವಿಶ್ವಕಪ್ ಸೆಮಿಫೈನಲ್‌ಗೆ ಪ್ರವೇಶಿಸಿದೆ.

ಮೊದಲಾರ್ಧದ 30ನೇ ನಿಮಿಷದಲ್ಲಿ ಫ್ಯಾಬಿಯನ್ ರೂಯಿಝ್ ಅವರ ಅದ್ಭುತ ಗೋಲಿನಿಂದ ಸ್ಪೇನ್ ಮುನ್ನಡೆ ಸಾಧಿಸಿತು. ಆದರೆ ಹೆಚ್ಚು ಸಮಯ ಕಾಯದೆ ಬೆಲ್ಜಿಯಂನ ಚಾರ್ಲ್ಸ್ ಡಿ ಕೆಟೆಲೇರೆ ಹೆಡರ್ ಮೂಲಕ ಸಮಬಲ ಸಾಧಿಸಿದರು. ಇದೇ ಈ ವಿಶ್ವಕಪ್‌ನಲ್ಲಿ ಸ್ಪೇನ್ ಎದುರು ದಾಖಲಾದ ಮೊದಲ ಗೋಲು ಎಂಬುದು ವಿಶೇಷ.

ಎರಡನೇಾರ್ಧದ ಅಂತ್ಯದವರೆಗೂ ಎರಡೂ ತಂಡಗಳು ಸಮಬಲದಲ್ಲೇ ಹೋರಾಡುತ್ತಿದ್ದವು. ಈ ವೇಳೆ ಬದಲಿ ಆಟಗಾರನಾಗಿ ಮೈದಾನಕ್ಕಿಳಿದ ಮೈಕೆಲ್ ಮೆರಿನೊ ಕೇವಲ 117 ಸೆಕೆಂಡುಗಳಲ್ಲಿ, ಚೆಂಡನ್ನು ಎರಡನೇ ಬಾರಿ ಸ್ಪರ್ಶಿಸುತ್ತಿದ್ದಂತೆಯೇ ನಿರ್ಣಾಯಕ ಗೋಲು ದಾಖಲಿಸಿ ಪಂದ್ಯವನ್ನು ಸ್ಪೇನ್ ಪರ ತಿರುಗಿಸಿದರು.

ರಾಜ್ಯ ಸುದ್ದಿ

ಕಣ್ಣೂರಿನಲ್ಲಿ ಭೀಕರ ರಸ್ತೆ ಅಪಘಾತ: ಮರಕ್ಕೆ ಕಾರು ಡಿಕ್ಕಿ, ಕಾಸರಗೋಡು ಯುವಕ ಸೇರಿ ನಾಲ್ವರು ಮೃತ್ಯು

ಸಾಮಾಜಿಕ ತಾಣ

ಇನ್‌ಸ್ಟಾಗ್ರಾಮ್‌ನಲ್ಲಿ ಮಕ್ಕಳ ಲೈಂಗಿಕ ದೌರ್ಜನ್ಯದ ದೃಶ್ಯಗಳ ಜಾಹೀರಾತು; ಮೆಟಾ ಬೇಜವಾಬ್ದಾರಿತನ ಬಯಲಿಗೆಳೆದ ಬಿಬಿಸಿ ತನಿಖಾ ವರದಿ

ಹಿಂದಿನ ಸುತ್ತಿನಲ್ಲಿ ಪೋರ್ಚುಗಲ್ ವಿರುದ್ಧವೂ ಕೊನೆಯ ಕ್ಷಣದಲ್ಲಿ ಗೆಲುವಿನ ಗೋಲು ದಾಖಲಿಸಿದ್ದ ಮೆರಿನೊ, ಇದೀಗ ಬೆಲ್ಜಿಯಂ ವಿರುದ್ಧವೂ ಅದೇ ಮ್ಯಾಜಿಕ್ ಪುನರಾವರ್ತಿಸಿ ಸ್ಪೇನ್‌ನ ಮತ್ತೊಮ್ಮೆ ರಕ್ಷಕರಾಗಿ ಹೊರಹೊಮ್ಮಿದರು.

ಈ ಗೆಲುವಿನೊಂದಿಗೆ ಸ್ಪೇನ್ ತಂಡ ಸೆಮಿಫೈನಲ್‌ಗೆ ಲಗ್ಗೆ ಇಟ್ಟಿದ್ದು, ಮುಂದಿನ ಪಂದ್ಯದಲ್ಲಿ ಬಲಿಷ್ಠ ಫ್ರಾನ್ಸ್ ತಂಡವನ್ನು ಎದುರಿಸಲಿದೆ.