ಜುಬೈಲ್, ಸೌದಿ ಅರೇಬಿಯಾ: ಜುಬೈಲ್‌ನ ಅತಿದೊಡ್ಡ ಓವರ್‌ಆರ್ಮ್ ಮೆಗಾ ಕ್ರಿಕೆಟ್ ಟೂರ್ನಮೆಂಟ್ — SVC Cricket Carnival 2026ಕ್ಕೆ ಭರದ ಸಿದ್ಧತೆಗಳು ನಡೆಯುತ್ತಿವೆ. ಸುರತ್ಕಲ್ ವಿಷನ್ ಕಮಿಟಿ (SVC), ಅಲ್ ಜುಬೈಲ್ ಆಯೋಜಿಸಿರುವ ಈ ಪ್ರತಿಷ್ಠಿತ ಕ್ರಿಕೆಟ್ ಕಾರ್ನಿವಲ್‌ನಲ್ಲಿ ಒಟ್ಟು 12 ತಂಡಗಳು ಭಾಗವಹಿಸಲಿವೆ.
ನವೆಂಬರ್ 5 ಮತ್ತು 6ರಂದು ಜುಬೈಲ್‌ನ ಅಲ್ ಫಲಾಹ್ ಗ್ರೌಂಡ್‌ನಲ್ಲಿ ನಡೆಯಲಿರುವ ಈ ಎರಡು ದಿನಗಳ ಕ್ರೀಡಾ ಹಾಗೂ ಸಾಂಸ್ಕೃತಿಕ ಮಹೋತ್ಸವವು ಜುಬೈಲ್‌ನ ಕ್ರಿಕೆಟ್ ಪ್ರೇಮಿಗಳಿಗೆ ಭರ್ಜರಿ ಮನರಂಜನೆ ನೀಡಲಿದೆ ಎಂದು ಆಯೋಜಕರು “ವರದಿಗಾರ” ಕ್ಕೆ ತಿಳಿಸಿದ್ದಾರೆ.
ಕ್ರಿಕೆಟ್ ಮಾತ್ರವಲ್ಲದೆ, ಬ್ಯುಸಿನೆಸ್‌ ಮೀಟ್‌, ಫ್ಯಾಮಿಲಿ ಫೆಸ್ಟ್‌, ಮಕ್ಕಳ ಮನೋರಂಜನಾ ಕಾರ್ಯಕ್ರಮ, ಫುಡ್‌ ಫೆಸ್ಟ್‌ ಮತ್ತು ಅಚೀವರ್ಸ್‌ ಅವಾರ್ಡ್‌ ಈ ಕಾರ್ಯಕ್ರಮದಲ್ಲಿ ಅಳವಡಿಸಲಾಗಿದೆ.
ಕಾರ್ನಿವಲ್‌ಗೆ ಕರ್ನಾಟಕದ ಹಲವು ಪ್ರಮುಖ ರಾಜಕೀಯ ಹಾಗೂ ಸಾಮಾಜಿಕ ಗಣ್ಯರು ಮುಖ್ಯ ಅತಿಥಿಗಳಾಗಿ ಆಗಮಿಸಲಿದ್ದಾರೆ.
- ಡಾ. ಜಿ. ಪರಮೇಶ್ವರ — ಕರ್ನಾಟಕದ ಉಪಮುಖ್ಯಮಂತ್ರಿ ಹಾಗೂ ಕಂದಾಯ ಮತ್ತು ಕ್ರೀಡಾ ಸಚಿವರು
- ಯು.ಟಿ. ಖಾದರ್ — ಕರ್ನಾಟಕ ವಿಧಾನಸಭೆಯ ಸ್ಪೀಕರ್ ಹಾಗೂ ಮಾಜಿ ಆರೋಗ್ಯ ಮತ್ತು ಕುಟುಂಬ ಕಲ್ಯಾಣ, ಅಲ್ಪಸಂಖ್ಯಾತ ವ್ಯವಹಾರ, ಹಜ್ ಮತ್ತು ವಕ್ಫ್ ಸಚಿವರು
- ಬಿ.ಝಡ್. ಜಮೀರ್ ಅಹ್ಮದ್ ಖಾನ್ — ವಸತಿ ಸಚಿವರು, ಕರ್ನಾಟಕ ಸರ್ಕಾರ
- ಸಂತೋಷ್ ಲಾಡ್ — ಕಾರ್ಮಿಕ, ಉದ್ಯೋಗ ಮತ್ತು ತರಬೇತಿ ಸಚಿವರು, ಕರ್ನಾಟಕ ಸರ್ಕಾರ
- ಅಶ್ರಫ್ ಅಂಕಜಲ್ — ನ್ಯಾಷನಲ್ ಜನರಲ್ ಸೆಕ್ರೆಟರಿ, SDPI
- ಇನಾಯತ್ ಅಲಿ — ಜನರಲ್ ಸೆಕ್ರೆಟರಿ, KPCC
- ಡಾ. ಯು.ಟಿ. ಇಫ್ತಿಖಾರ್ ಅಲಿ — Chairman, KSAHC; Syndicate & Senate Member, Rajiv Gandhi University of Health Sciences (RGUHS)
- ಬಿ.ಎಂ. ಫಾರೂಕ್ — Founder & Chairman, Fiza Group of Companies; ಮಾಜಿ MLC, ಕರ್ನಾಟಕ ವಿಧಾನ ಪರಿಷತ್
- ಮೊಹಮ್ಮದ್ ಮನ್ಸೂರ್ — Executive Board Member, Asian Cricket Council (ACC)
ಇವರು ಸೇರಿದಂತೆ ವಿವಿಧ ಕ್ಷೇತ್ರಗಳ ನಾಯಕರು ಈ ಮೇಗಾ ಟೂರ್ನಮೆಂಟಿನಲ್ಲಿ ಭಾಗವಹಿಸಲಿದ್ದಾರೆ.
ಇದು ಕೇವಲ ಕ್ರಿಕೆಟ್ ಮಾತ್ರವಲ್ಲ, ಒಂದು ಕಾರ್ನಿವಲ್!
SVC Cricket Carnival 2026 ಕೇವಲ ಕ್ರಿಕೆಟ್ ಟೂರ್ನಮೆಂಟ್ ಆಗಿರದೆ, ಕ್ರೀಡೆ, ಸಂಸ್ಕೃತಿ, ಸ್ನೇಹ ಮತ್ತು ಸಂಭ್ರಮಿಸುವ ವಿಶೇಷ ಕಾರ್ಯಕ್ರಮವಾಗಿ ರೂಪುಗೊಳ್ಳುತ್ತಿದೆ.
12 ಬಲಿಷ್ಠ ತಂಡಗಳು, ಎರಡು ದಿನಗಳ ರೋಚಕ ಕ್ರಿಕೆಟ್ ಪಂದ್ಯಗಳು ಹಾಗೂ ಗಣ್ಯರ ಉಪಸ್ಥಿತಿಯೊಂದಿಗೆ ಜುಬೈಲ್‌ನಲ್ಲಿ ಮತ್ತೊಂದು ಅದ್ಧೂರಿ ಕ್ರೀಡಾ ಇತಿಹಾಸ ನಿರ್ಮಿಸಲು SVC ಸಜ್ಜಾಗಿದೆ ಎಂದು ಸುರತ್ಕಲ್ ವಿಷನ್ ಕಮಿಟಿ, ಅಲ್ ಜುಬೈಲ್ ಇದರ ಅಧ್ಯಕ್ಷರಾದ ಅನ್ಸಾಫ್‌ ಪ್ರಕಟನೆಯಲ್ಲಿ ತಿಳಿಸಿದ್ದಾರೆ.
