ಸಾಮಾಜಿಕ ತಾಣ

ಖಾಕಿ ತೊಟ್ಟವರಿಂದಲೇ ಖಾಕಿ ಅದರ ಘನತೆಯನ್ನು ಕಳೆದುಕೊಳ್ಳುತ್ತಿದೆ: ಸಂಜೀವ್ ಭಟ್ ಪತ್ನಿ ಶ್ವೇತಾ ಕಳವಳ

‘ಸಂಜೀವ್ ಭಟ್ ಬಂಧನಕ್ಕೆ ಆಗಮಿಸಿ ಪೊಲೀಸರು ನಮ್ಮ ಬೆಡ್ ರೂಂ ಒಳಕ್ಕೂ ನುಗ್ಗಲು ಯತ್ನಿಸಿದರು’

ವರದಿಗಾರ (ಸೆ.10):  22 ವರ್ಷಗಳ ಹಿಂದಿನ ಪ್ರಕರಣಕ್ಕೆ ಸಂಬಂಧಿಸಿ ಮಾಜಿ ಐಪಿಎಸ್ ಅಧಿಕಾರಿ ಸಂಜೀವ್ ಭಟ್ ರವರನ್ನು ಇತ್ತೀಚೆಗೆ ಪೊಲೀಸರು ಬಂಧಿಸಿದ್ದು, ಈ ಬಗ್ಗೆ ಪ್ರತಿಕ್ರಿಯಿಸಿರುವ ಸಂಜೀವ್ ಭಟ್ ರ ಪತ್ನಿ ಶ್ವೇತಾ ಸಂಜೀವ್ ಭಟ್, ‘ಪೊಲೀಸರು ಅಮಾನವೀಯವಾಗಿ ಬಂಧಿಸಿದ್ದಾರೆ ಮತ್ತು ಖಾಕಿ ತೊಟ್ಟವರಿಂದಲೇ ಖಾಕಿ ಅದರ ಘನತೆಯನ್ನು ಕಳೆದುಕೊಳ್ಳುತ್ತಿದೆ’ ಎಂದು ಕಳವಳ ವ್ಯಕ್ತಪಡಿಸಿದ್ದಾರೆ.

ಈ ಬಗ್ಗೆ ಸಂಜೀವ್ ಭಟ್ ಅವರ ಫೇಸ್ಬುಕ್ ಖಾತೆಯಲ್ಲೇ ಪೋಸ್ಟ್ ಹಾಕಿರುವ ಶ್ವೇತಾ ಭಟ್, “ಬೆಳಗ್ಗೆ 8 ಗಂಟೆಯ ಸುಮಾರಿಗೆ ಬಾಗಿಲು ಬಡಿದರು. ನಮ್ಮ ಮನೆಯ ಮುಂದೆ ಇಬ್ಬರು ಪೊಲೀಸರು ನಿಂತಿದ್ದಾರೆ ಎಂದು ತಿಳಿದಾಗ ‘ಅವರು ಪೊಲೀಸ್ ಅಧಿಕಾರಿಗಳು, ಅವರನ್ನು ಮನೆಯೊಳಗೆ ಕುಳಿತುಕೊಳ್ಳುವಂತೆ ಹೇಳಿ. ಚಹಾ ಬೇಕಾ ಎಂದು ಕೇಳಿ’ ಎಂದು ಸಹಾಯಕನಲ್ಲಿ ಸಂಜೀವ್ ಹೇಳಿದ್ದರು. ಆದರೆ ಅಲ್ಲಿ ಇಬ್ಬರು ಪೊಲೀಸರು ಇರದೆ ಪೊಲೀಸರ ತಂಡವೇ ಬಂದಿತ್ತು. ಏಕಾಏಕಿ ಅವರು ನಮ್ಮ ಮನೆಯೊಳಕ್ಕೆ ನುಗ್ಗಿದ್ದರು. ಕೆಲವರು ನಮ್ಮ ಬೆಡ್ ರೂಮ್ ನೊಳಕ್ಕೂ ನುಗ್ಗಲು ಯತ್ನಿಸಿದರು. ಆದರೆ ನನ್ನ ಪುತ್ರ ಅವರನ್ನು ತಡೆದ” ಎಂದು ಶ್ವೇತಾ ಆರೋಪಿಸಿದ್ದಾರೆ.

“ಅವರು ನಮ್ಮ ಖಾಸಗಿತನವನ್ನು ಅತಿಕ್ರಮಿಸಿದ್ದಾರೆ. ನನ್ನ ಪತಿಯನ್ನು ಬಂಧಿಸಿದರು. ನನಗೆ ಕೋಪ ಬರಬೇಕಿತ್ತು ಆದರೆ ನನಗೆ ಅವರನ್ನು ನೋಡಿ ಬೇಸರವಾಯಿತು. ತಮ್ಮ ಮನಸ್ಸು ಒಪ್ಪದ ಕೆಲಸಗಳನ್ನು ಅವರು ಮಾಡುತ್ತಿದ್ದಾರೆ ಎಂದು ನನಗೆ ಅರಿವಾಗಿತ್ತು. ನಿರ್ಲಜ್ಜ ಬಾಸ್ ಗಳನ್ನು ಖುಷಿಪಡಿಸಿದರೆ ಸಿಗುವ ಲಾಭ, ಕೆಲಸ ಕಳೆದುಕೊಳ್ಳುವ ಒಬ್ಬರ ಆತಂಕ ನನಗೆ ಕಂಡಿತು. ಖಾಕಿ ಅದರ ಘನತೆಯನ್ನು ಕಳೆದುಕೊಳ್ಳುತ್ತಿದೆ. ಅದರ ಬಣ್ಣವೂ ಮಾಸುತ್ತಿದೆ. ಮೋಸದ ಆದೇಶಗಳು ಖಾಕಿ ತೊಟ್ಟವರನ್ನು ಅದರ ಮೂಲ ತತ್ವಗಳನ್ನು ನಿರ್ಲಕ್ಷಿಸುವಂತೆ ಮಾಡುತ್ತಿದೆ. ನಾನು ಖಾಕಿ ಇಷ್ಟೊಂದು ಬಡವಾಗಿದ್ದನ್ನು ಯಾವತ್ತೂ ನೋಡಿಲ್ಲ” ಎಂದವರು ಹೇಳಿದ್ದಾರೆ.

'ವರದಿಗಾರ' ನಿಮಗೆ ಆಪ್ತವೇ?? ಬೆಂಬಲಿಸಲು ಇಲ್ಲಿ ಕ್ಲಿಕ್ ಮಾಡಿ
Click to comment

You must be logged in to post a comment Login

Leave a Reply

The Latest

ಮೂವರು ಸಮಾನ ಮನಸ್ಕ ಸ್ನೇಹಿತರ ಸಮಾಜಕ್ಕೇನಾದರೂ ಒಳಿತು ಮಾಡಬೇಕೆಂಬ ತುಡಿತವೇ 'ವರದಿಗಾರ'

ಪತ್ರಿಕೆಯ ಒಳಗಿನ ಪುಟಗಳ ಸಣ್ಣ ಕಾಲಂಗಳಲ್ಲಿ ಅಡಗಿ ಹೋದ, ಸುಳ್ಳನ್ನು ಅಬ್ಬರಿಸಿ ದಿಕ್ಕು ತಪ್ಪಿಸುವ ಮಾಧ್ಯಮದ ಪ್ರಯತ್ನದ ನಡುವೆ ಸದ್ದಿಲ್ಲದೆ ತೆರೆಮರೆಯಲ್ಲಿ ಅಡಗಿ ಹೋದ ಸತ್ಯವನ್ನು ಜಾಲಾಡಿ ನಿಮ್ಮ ಮುಂದೆ ತರುವುದೇ 'ವರದಿಗಾರ'ನ ಪ್ರಯತ್ನ .

'ವರದಿಗಾರ' ನಿಮಗೆ ಆಪ್ತವೇ?? ಬೆಂಬಲಿಸಲು ಇಲ್ಲಿ ಕ್ಲಿಕ್ ಮಾಡಿ

To Top
error: Content is protected !!
WhatsApp Join our WhatsApp group