ರಾಷ್ಟ್ರೀಯ ಸುದ್ದಿ

ವೋಟರ್ ಐಡಿ ಜೊತೆ ಆಧಾರ್ ಲಿಂಕ್ ಮಾಡಬೇಡಿ: ರವಿ ಶಂಕರ್ ಪ್ರಸಾದ್

ವರದಿಗಾರ(02-04-2018): ತಾನು ವೋಟರ್ ಐಡಿ ಕಾರ್ಡ್ ಜೊತೆ ಆಧಾರ್ ಲಿಂಕ್ ಮಾಡುವುದರ ಪರವಾಗಿಲ್ಲವೆಂದು ಕೇಂದ್ರ ಮಾಹಿತಿ ತಂತ್ರಜ್ಞಾನ ಸಚಿವ ರವಿ ಶಂಕರ್ ಪ್ರಸಾದ್ ಸ್ಪಷ್ಟಪಡಿಸಿದ್ದಾರೆ.

“ನಾನು ಇದನ್ನು ಮಾಹಿತಿ ತಂತ್ರಜ್ಞಾನ ಸಚಿವನಾಗಿ ಹೇಳುತ್ತಿಲ್ಲ, ಇದು ನನ್ನ ವೈಯಕ್ತಿಕ ಅಭಿಪ್ರಾಯವಾಗಿದೆ. ವೋಟರ್ ಐಡಿ ಜೊತೆ ಆಧಾರ್ ಕಾರ್ಡ್ ಲಿಂಕ್ ಮಾಡಬಾರದು.” ಎಂದು ಅವರು ಆದಿತ್ಯವಾರದಂದು ಬೆಂಗಳೂರಿನ ಕಾರ್ಯಕ್ರಮವೊಂದರಲ್ಲಿ ಹೇಳಿದರು.
ಹಾಗೇನಾದರೂ ನಾವು ಮಾಡಿದಲ್ಲಿ, ನಮ್ಮ ವಿರೋಧಿಗಳು ಬಿಜೆಪಿ ಸರಕಾರದ ಮೇಲೆ ರಹಸ್ಯ ಬೇಹುಗಾರಿಕೆಯ ಆರೋಪವನ್ನು ಮಾಡಬಹುದು ಎಂದು ಅವರು ಹೇಳಿದರು. “ನಾವು ಏನು ತಿನ್ನುತ್ತಿದ್ದೇವೆ, ಯಾವ ಚಲನಚಿತ್ರವನ್ನು ವೀಕ್ಷಿಸುತ್ತಿದ್ದೇವೆ ಎನ್ನುವುದನ್ನು ನರೇಂದ್ರ ಮೋದಿ ತಿಳಿಯಬಯಸುತ್ತಾರೆ” ಎಂಬ ಆರೋಪಗಳು ಬರಬಹುದೆಂದು ಅವರು ಹೇಳಿದರು.

ವಿಚಿತ್ರವೇನಂದರೆ, ಈ ರೀತಿಯ ರಹಸ್ಯ ಬೇಹುಗಾರಿಕೆ ನಡೆಯುತ್ತಿದೆಯೆಂಬ ಆರೋಪ ಈಗಾಗಲೇ ಮಾಡಲಾಗಿದೆ. ವೋಟರ್ ಐಡಿ ಹಾಗೂ ಚಲನಚಿತ್ರ, ಆಹಾರಕ್ಕೆ ಯಾವುದೇ ಸಂಬಂಧವಿಲ್ಲ. ವೋಟರ್ ಐಡಿ ಜೊತೆ ಆಧಾರ್ ಲಿಂಕ್ ಮಾಡಿದರೆ ಚುನಾವಣಾ ವ್ಯವಸ್ಥೆಯು ಪಾರದರ್ಶಿಕವಾಗಿರಬಹುದು.

ಆದರೆ, ಈಗಾಗಲೇ ಭಾರತೀಯರ ಮಾಹಿತಿಯ ದುರುಪಯೋಗಪಡಿಸಿದ ಆರೋಪ ಪ್ರಧಾನ ಮಂತ್ರಿ ನರೇಂದ್ರ ಮೋದಿಯವರ ‘ನಮೋ ಆಪ್’ ಮೇಲಿದೆ.
ಅದಲ್ಲದೆ, ಆಧಾರ್ ಮಾಹಿತಿ ಸೋರಿಕೆಯಾಗಿದೆ ಎಂದೂ ಇದಕ್ಕೆ ಮುನ್ನ ಹಲವು ಆರೋಪಗಳು ಉಧ್ಬವಿಸಿವೆ. ಎಲ್ಲಾ ಕಡೆಯಲ್ಲೂ ಆಧಾರ್ ಲಿಂಕ್ ಮಾಡಲು ಬಲವಂತಪಡಿಸುತ್ತಿರುವ ಬಿಜೆಪಿ ನೇತೃತ್ವದ ಕೇಂದ್ರ ಸರಕಾರವು ವೋಟರ್ ಐಡಿ ಜೊತೆ ಲಿಂಕ್ ಮಾಡಿಸಲು ಹಿಂಜರಿಯುತ್ತಿರುವುದು ಆಶ್ವರ್ಯಕರವಾಗಿದೆ. ವೋಟರ್ ಐಡಿ ಜೊತೆ ಲಿಂಕ್ ಮಾಡಿಸಿದರೆ ಚುನಾವಣೆಯಲ್ಲಿ ‘ಕೈ ಚಳಕ’ ಅಸಾಧ್ಯ, ಹಾಗಾಗಿ ಸರಕಾರ ಹಿಂಜರಿಯುತ್ತಿದೆ ಎನ್ನುವುದು ಕೆಲವರ ವಾದ.

'ವರದಿಗಾರ' ನಿಮಗೆ ಆಪ್ತವೇ?? ಬೆಂಬಲಿಸಲು ಇಲ್ಲಿ ಕ್ಲಿಕ್ ಮಾಡಿ
Click to comment

You must be logged in to post a comment Login

Leave a Reply

The Latest

ಮೂವರು ಸಮಾನ ಮನಸ್ಕ ಸ್ನೇಹಿತರ ಸಮಾಜಕ್ಕೇನಾದರೂ ಒಳಿತು ಮಾಡಬೇಕೆಂಬ ತುಡಿತವೇ 'ವರದಿಗಾರ'

ಪತ್ರಿಕೆಯ ಒಳಗಿನ ಪುಟಗಳ ಸಣ್ಣ ಕಾಲಂಗಳಲ್ಲಿ ಅಡಗಿ ಹೋದ, ಸುಳ್ಳನ್ನು ಅಬ್ಬರಿಸಿ ದಿಕ್ಕು ತಪ್ಪಿಸುವ ಮಾಧ್ಯಮದ ಪ್ರಯತ್ನದ ನಡುವೆ ಸದ್ದಿಲ್ಲದೆ ತೆರೆಮರೆಯಲ್ಲಿ ಅಡಗಿ ಹೋದ ಸತ್ಯವನ್ನು ಜಾಲಾಡಿ ನಿಮ್ಮ ಮುಂದೆ ತರುವುದೇ 'ವರದಿಗಾರ'ನ ಪ್ರಯತ್ನ .

'ವರದಿಗಾರ' ನಿಮಗೆ ಆಪ್ತವೇ?? ಬೆಂಬಲಿಸಲು ಇಲ್ಲಿ ಕ್ಲಿಕ್ ಮಾಡಿ

To Top
error: Content is protected !!
WhatsApp Join our WhatsApp group