ರಾಷ್ಟ್ರೀಯ ಸುದ್ದಿ

“ಯುದ್ಧಕ್ಕೆ ತಯಾರಾಗಲು ಸೈನ್ಯಕ್ಕೆ 6-7 ತಿಂಗಳು ಬೇಕಾಗಬಹುದು, ಆರೆಸ್ಸೆಸ್ 2-3 ದಿನಗಳಲ್ಲಿ ತಯಾರಾಗಬಹುದು” : ಆರೆಸ್ಸೆಸ್ ನಾಯಕನಿಂದ ಸೈನ್ಯಕ್ಕೆ ಅವಮಾನ

ವರದಿಗಾರ(11-02-2018): ತಮ್ಮನ್ನು ತಾವೇ ದೇಶಭಕ್ತರೆಂದು ಹೇಳಿಕೊಳ್ಳುವ ಮತೀಯ ಸಂಘಟನೆಯಾದ ಆರೆಸ್ಸೆಸ್ ನ ಮುಖ್ಯಸ್ಥ ಮೋಹನ್ ಭಾಗ್ವತ್ ತನ್ನ ಸಂಘಟನೆಯ ಕಾರ್ಯಕರ್ತರ ವಿಶೇಷತೆಯನ್ನು ಕೊಂಡಾಡುವ ಭರದಲ್ಲಿ ಸೈನ್ಯಕ್ಕೆ ಅವಮಾನ ಮಾಡಿದ್ದಾರೆ.

ಬಿಹಾರದ ಮುಝಫ್ಫರ ಪುರದಲ್ಲಿ ಆಯೋಜಿಸಲಾದ ಆರೆಸ್ಸೆಸಿನ 5 ದಿನಗಳ ಕಾರ್ಯಕ್ರಮವನ್ನುದ್ದೇಶಿಸಿ ಮಾತನಾಡುತ್ತಾ, ಮೋಹನ್ ಭಾಗ್ವತ್, ” ಯುದ್ಧದ ಸಂಧರ್ಭದಲ್ಲಿ ತಯಾರಾಗಲು ಸೈನ್ಯವು 6-7 ತಿಂಗಳು ತೆಗೆದುಕೊಳ್ಳಬಹುದು. ಆದರೆ, ಆರೆಸ್ಸೆಸ್ ಕೇವಲ 2-3 ದಿನಗಳಲ್ಲಿ ತಯಾರಾಗಬಹುದು” ಎಂದು ಹೇಳಿದ್ದಾರೆ. ಸಂವಿಧಾನ ಹಾಗೂ ಕಾನೂನು ಅನುಮತಿ ನೀಡಿದಲ್ಲಿ, ಯುದ್ಧದ ಸಂಧರ್ಭದಲ್ಲಿ ಆರೆಸ್ಸೆಸಿನ ಸ್ವಯಂಸೇವಕರು ಸೈನ್ಯಕ್ಕಿಂತಲೂ ಮೊದಲು ತಯಾರಾಗಿ ಸ್ಥಳದಲ್ಲಿ ಜಮಾಯಿಸಬಹುದೆಂದು ಮೋಹನ್ ಭಾಗ್ವತ್ ತಿಳಿಸಿದರು.

ಆರೆಸ್ಸೆಸ್ ನಾಯಕನ ಭಾರತೀಯ ಸೈನ್ಯವನ್ನು ಅವಮಾನಿಸುವಂತಹಾ ಈ ಹೇಳಿಕೆಯ ವಿರುದ್ಧ ವ್ಯಾಪಕ ಆಕ್ರೋಶ ವ್ಯಕ್ತವಾಗಿದ್ದು, ಸಾಮಾಜಿಕ ಜಾಲತಾಣವಾದ ಟ್ವಿಟ್ಟರ್ ನಲ್ಲಿ ಪ್ರಜ್ಞಾವಂತರು #RSSInsultsArmy ಉಪಯೋಗಿಸಿ ಟ್ವೀಟ್ ಮಾಡುವ ಮೂಲಕ ತಮ್ಮ ಆಕ್ರೋಶ ವ್ಯಕ್ತಪಡಿಸಿದರು.
ಹಲವರು ಬಾಂಬ್ ಸ್ಪೋಟದಂತಹ ದೇಶದ್ರೋಹಿ ಚಟುವಟಿಕೆಗಳಲ್ಲಿ ಆರೋಪಿಗಳಾಗಿರುವ ಆರೆಸ್ಸೆಸ್ ಕಾರ್ಯಕರ್ತರು ಹಾಗೂ ಸ್ವಾತಂತ್ರ್ಯದ 5 ದಶಕಗಳವರೆಗೆ ತ್ರಿವರ್ಣ ಧ್ವಜವನ್ನು ಹಾರಾಡಿಸದ ಆರೆಸ್ಸೆಸ್ ನ ‘ನಕಲಿ ದೇಶಪ್ರೇಮ’ದ ಬಗ್ಗೆ ನೆನಪಿಸಿದರು.

'ವರದಿಗಾರ' ನಿಮಗೆ ಆಪ್ತವೇ?? ಬೆಂಬಲಿಸಲು ಇಲ್ಲಿ ಕ್ಲಿಕ್ ಮಾಡಿ
Click to comment

You must be logged in to post a comment Login

Leave a Reply

The Latest

ಮೂವರು ಸಮಾನ ಮನಸ್ಕ ಸ್ನೇಹಿತರ ಸಮಾಜಕ್ಕೇನಾದರೂ ಒಳಿತು ಮಾಡಬೇಕೆಂಬ ತುಡಿತವೇ 'ವರದಿಗಾರ'

ಪತ್ರಿಕೆಯ ಒಳಗಿನ ಪುಟಗಳ ಸಣ್ಣ ಕಾಲಂಗಳಲ್ಲಿ ಅಡಗಿ ಹೋದ, ಸುಳ್ಳನ್ನು ಅಬ್ಬರಿಸಿ ದಿಕ್ಕು ತಪ್ಪಿಸುವ ಮಾಧ್ಯಮದ ಪ್ರಯತ್ನದ ನಡುವೆ ಸದ್ದಿಲ್ಲದೆ ತೆರೆಮರೆಯಲ್ಲಿ ಅಡಗಿ ಹೋದ ಸತ್ಯವನ್ನು ಜಾಲಾಡಿ ನಿಮ್ಮ ಮುಂದೆ ತರುವುದೇ 'ವರದಿಗಾರ'ನ ಪ್ರಯತ್ನ .

'ವರದಿಗಾರ' ನಿಮಗೆ ಆಪ್ತವೇ?? ಬೆಂಬಲಿಸಲು ಇಲ್ಲಿ ಕ್ಲಿಕ್ ಮಾಡಿ

To Top
error: Content is protected !!
WhatsApp Join our WhatsApp group