ರಾಜ್ಯ ಸುದ್ದಿ

ಕೇರಳದ ಆಖಿಲಾ ಎಂಬ ಯುವತಿ ಹಾದಿಯಾ ಆದ ಪ್ರಕರಣ: ಎನ್.ಐ.ಎ ತನಿಖೆ ಪ್ರಾರಂಭ

ವರದಿಗಾರ:ಕೇರಳದಲ್ಲಿ ಇತ್ತೀಚೆಗೆ ಭಾರೀ ಸುದ್ದಿಗೀಡಾಗಿ ರಾಷ್ಟ್ರೀಯ ಗಮನ ಸೆಳೆದಿದ್ದ ಮತಾಂತರ ಪ್ರಕರಣವನ್ನು ಇದೀಗ ಸುಪ್ರೀಮ್ ಕೋರ್ಟ್ ಅದೇಶದ ಮೇರೆಗೆ ಎನ್ ಐ ಎ ಕೈಗೆತ್ತಿಕೊಂಡಿದೆ.

ಹಿಂದು ಯುವತಿ ಅಖಿಲಾ ಇಸ್ಲಾಂ ಧರ್ಮಕ್ಕೆ ಮತಾಂತರಗೊಂಡು ತನ್ನ ಹೆಸರನ್ನು ಹಾದಿಯ ಎಂದು ಬದಲಿಸಿಕೊಂಡಿದ್ದಳು. ನಂತರ ಮುಸ್ಲಿಂ ಯುವಕ ಶಫೀನ್ ಜಹಾನ್’ನನ್ನು ವಿವಾಹವಾಗಿದ್ದಳು.

ಈ ಮೊದಲು ತನಿಖೆ ನಡೆಸಿದ್ದ ಕೇರಳ ಪೋಲೀಸರು, ಕೇರಳ ಪೋಲೀಸ್ ಕಾಯ್ದೆಯ ಸೆಕ್ಷನ್ 57ರ ಪ್ರಕಾರ ಕೇಸು ದಾಖಲಿಸಿಕೊಂಡಿದ್ದರು. ಕೇರಳ ಸರಕಾರವು ಈ ಜೋಡಿಯ ವಿವಾಹವನ್ನು ತಥಾಕಥಿತ ‘ಲವ್ ಜಿಹಾದ್’ ನ ಭಾಗವೆಂದು ಪರಿಗಣಿಸಿ ಅಸಿಂಧುವೆಂದು ಘೋಷಿಸಿತ್ತು.

ನಂತರ ಮೇ 25ರಂದು ಕೇರಳ ಉಚ್ಚ ನ್ಯಾಯಾಲಯವು ಈ ಜೋಡಿಯ ವಿವಾಹವನ್ನು ಅಸಿಂಧುವೆಂದು ಘೋಷಿಸಿ ಅವಳನ್ನು ಹೆತ್ತವರ ಬಳಿ ಮರಳುವಂತೆ ಆದೇಶಿಸಿತ್ತು.

ಸರ್ವೋಚ್ಚ ನ್ಯಾಯಾಲಯಕ್ಕೆ ಮನವಿ ಸಲ್ಲಿಸಿದ ಶಫೀನ್ ಉಚ್ಚ ನ್ಯಾಯಾಲಯದ ಆದೇಶವು ‘ ಭಾರತದಲ್ಲಿರುವ ಸ್ತ್ರೀ ಸ್ವಾತಂತ್ರ್ಯದ ಅವಮಾನ‘ ಎಂದು ವಾದಿಸಿದರು.ಸರ್ವೋಚ್ಚ ನ್ಯಾಯಾಲಯದ ನಿವೃತ್ತ ನ್ಯಾಯಾಧೀಶರಾದ ಆರ್.ವಿ.ರವೀಂದ್ರನ್ ಎನ್ ಐ ಎ ತನಿಖೆಯ ಮೇಲುಸ್ತುವಾರಿ ವಹಿಸಲಿದ್ದಾರೆ.

'ವರದಿಗಾರ' ನಿಮಗೆ ಆಪ್ತವೇ?? ಬೆಂಬಲಿಸಲು ಇಲ್ಲಿ ಕ್ಲಿಕ್ ಮಾಡಿ
Click to comment

You must be logged in to post a comment Login

Leave a Reply

The Latest

ಮೂವರು ಸಮಾನ ಮನಸ್ಕ ಸ್ನೇಹಿತರ ಸಮಾಜಕ್ಕೇನಾದರೂ ಒಳಿತು ಮಾಡಬೇಕೆಂಬ ತುಡಿತವೇ 'ವರದಿಗಾರ'

ಪತ್ರಿಕೆಯ ಒಳಗಿನ ಪುಟಗಳ ಸಣ್ಣ ಕಾಲಂಗಳಲ್ಲಿ ಅಡಗಿ ಹೋದ, ಸುಳ್ಳನ್ನು ಅಬ್ಬರಿಸಿ ದಿಕ್ಕು ತಪ್ಪಿಸುವ ಮಾಧ್ಯಮದ ಪ್ರಯತ್ನದ ನಡುವೆ ಸದ್ದಿಲ್ಲದೆ ತೆರೆಮರೆಯಲ್ಲಿ ಅಡಗಿ ಹೋದ ಸತ್ಯವನ್ನು ಜಾಲಾಡಿ ನಿಮ್ಮ ಮುಂದೆ ತರುವುದೇ 'ವರದಿಗಾರ'ನ ಪ್ರಯತ್ನ .

'ವರದಿಗಾರ' ನಿಮಗೆ ಆಪ್ತವೇ?? ಬೆಂಬಲಿಸಲು ಇಲ್ಲಿ ಕ್ಲಿಕ್ ಮಾಡಿ

To Top
error: Content is protected !!
WhatsApp Join our WhatsApp group