ವರದಿಗಾರ ವಿಶೇಷ

ಗುಜರಾತ್: 26% ಶಾಸಕರು ಕ್ರಿಮಿನಲ್ ಆರೋಪಿಗಳು, 141 ಶಾಸಕರು ಕೋಟ್ಯಾಧಿಪತಿಗಳು!!

ವರದಿಗಾರ (29-12-2017): ಇತ್ತೀಚೆಗೆ ಹೊಸದಾಗಿ ಆಯ್ಕೆಯಾದ ಗುಜರಾತಿನ 182 ಸದಸ್ಯರನ್ನೊಳಗೊಂಡ ವಿಧಾನ ಸಭೆಯಲ್ಲಿ 26% ಸದಸ್ಯರು (47 ಶಾಸಕರು) ಕ್ರಿಮಿನಲ್ ಆರೋಪಗಳನ್ನು ಎದುರಿಸುತ್ತಿದ್ದಾರೆ. 18% ಶಾಸಕರು (32 ಶಾಸಕರು) ಕೊಲೆ ಹಾಗೂ ಕೊಲೆ ಯತ್ನಗಳಂತಹ ಗಂಭೀರ ಆರೋಪಗಳನ್ನೆದುರಿಸುತ್ತಿದ್ದಾರೆ ಎಂದು ಅಸೋಸಿಯೇಶನ್ ಫಾರ್ ಡೆಮೋಕ್ರೆಟಿಕ್ ರಿಫೊರ್ಮ್ಸ್ ಎಂಬ ಸಂಸ್ಥೆಯು ನಡೆಸಿದ ಅಧ್ಯಯನದಿಂದ ತಿಳಿದು ಬಂದಿದೆ.

ಗುಜರಾತ್ ನಲ್ಲಿ ಮತ್ತೆ ಅಧಿಕಾರಕ್ಕೇರಿದ ಬಿಜೆಪಿಯ 99 ಶಾಸಕರಲ್ಲಿ 18 ಶಾಸಕರ(18%) ವಿರುದ್ಧ ಕ್ರಿಮಿನಲ್ ಆರೋಪಗಳಿವೆ. 12 ಶಾಸಕರ (12%) ವಿರುದ್ಧ ಗಂಭೀರ ಕ್ರಿಮಿನಲ್ ಆರೋಪಗಳಿವೆ.

ಕಾಂಗ್ರೆಸ್ ನ 77 ಶಾಸಕರಲ್ಲಿ 25 (32%) ಶಾಸಕರ ಮೇಲೆ ಕ್ರಿಮಿನಲ್ ಆರೋಪಗಳಿವೆ. 17 (22%) ಶಾಸಕರ ವಿರುದ್ಧ ಗಂಭೀರ ಕ್ರಿಮಿನಲ್ ಆರೋಪಗಳಿವೆ.

141 ಶಾಸಕರು ಕೋಟ್ಯಾಧಿಪತಿಗಳು!!

ಈ ಬಾರಿಯ 182 ಸದಸ್ಯರ ಗುಜರಾತ್ ವಿಧಾನ ಸಭೆಯಲ್ಲಿ 141 ಶಾಸಕರು ಕೋಟ್ಯಾಧಿಪತಿಗಳಾಗಿದ್ದಾರೆ. ಬಿಜೆಪಿಯ 99 ಶಾಸಕರಲ್ಲಿ 84 (85%) ಹಾಗೂ ಕಾಂಗ್ರೆಸ್ ನ 77 ಶಾಸಕರಲ್ಲಿ 54 (70%) ಹಾಗೂ ಇತರ ಪಕ್ಷಗಳ ಮೂರು ಶಾಸಕರು ಒಂದು ಕೋಟಿಗಿಂತ ಹೆಚ್ಚು ಆಸ್ತಿಯನ್ನು ಘೋಷಿಸಿದ್ದಾರೆ.

ಕೃಪೆ: FactChecker

'ವರದಿಗಾರ' ನಿಮಗೆ ಆಪ್ತವೇ?? ಬೆಂಬಲಿಸಲು ಇಲ್ಲಿ ಕ್ಲಿಕ್ ಮಾಡಿ
Click to comment

You must be logged in to post a comment Login

Leave a Reply

The Latest

ಮೂವರು ಸಮಾನ ಮನಸ್ಕ ಸ್ನೇಹಿತರ ಸಮಾಜಕ್ಕೇನಾದರೂ ಒಳಿತು ಮಾಡಬೇಕೆಂಬ ತುಡಿತವೇ 'ವರದಿಗಾರ'

ಪತ್ರಿಕೆಯ ಒಳಗಿನ ಪುಟಗಳ ಸಣ್ಣ ಕಾಲಂಗಳಲ್ಲಿ ಅಡಗಿ ಹೋದ, ಸುಳ್ಳನ್ನು ಅಬ್ಬರಿಸಿ ದಿಕ್ಕು ತಪ್ಪಿಸುವ ಮಾಧ್ಯಮದ ಪ್ರಯತ್ನದ ನಡುವೆ ಸದ್ದಿಲ್ಲದೆ ತೆರೆಮರೆಯಲ್ಲಿ ಅಡಗಿ ಹೋದ ಸತ್ಯವನ್ನು ಜಾಲಾಡಿ ನಿಮ್ಮ ಮುಂದೆ ತರುವುದೇ 'ವರದಿಗಾರ'ನ ಪ್ರಯತ್ನ .

'ವರದಿಗಾರ' ನಿಮಗೆ ಆಪ್ತವೇ?? ಬೆಂಬಲಿಸಲು ಇಲ್ಲಿ ಕ್ಲಿಕ್ ಮಾಡಿ

To Top
error: Content is protected !!
WhatsApp Join our WhatsApp group