ರಾಷ್ಟ್ರೀಯ ಸುದ್ದಿ

ಸೋಮನಾಥ ಮಂದಿರದಲ್ಲಿ ರಾಹುಲ್ ಗಾಂಧಿಯ ಸಹಿ: ವಿವಾದಕ್ಕೆ ತೆರೆ ಎಳೆದ ದೇವಾಲಯ ಆಡಳಿತ ಮಂಡಳಿಯ ಅಧಿಕೃತ ಹೇಳಿಕೆ

ವರದಿಗಾರ(30-11-2017): ನಿನ್ನೆ ಕಾಂಗ್ರೆಸ್ ನಾಯಕ ರಾಹುಲ್ ಗಾಂಧಿಯವರು ಗುಜರಾತಿನ ಸೋಮನಾಥ ಮಂದಿರಕ್ಕೆ ಭೇಟಿ ನೀಡಿದ ಕೆಲವೇ ಕ್ಷಣಗಳಲ್ಲಿ ಸಾಮಾಜಿಕ ಜಾಲತಾಣದಲ್ಲಿ ಹೊಸ ವಿವಾದ ಸೃಷ್ಟಿಯಾಗಿತ್ತು.

ರಾಹುಲ್ ಗಾಂಧಿ ಮಂದಿರದ ಸಂದರ್ಶಕರ ಪುಸ್ತಕದಲ್ಲಿ ಸಹಿ ಮಾಡಿದ್ದರು. ಆದರೆ, ಅವರ ಕೆಲವರು ಸಾಮಾಜಿಕ ಜಾಲ ತಾಣಗಳಲ್ಲಿ ಇನ್ನೊಂದು ಚಿತ್ರವೊಂದನ್ನು ಹರಡಿ, ರಾಹುಲ್ ಗಾಂಧಿ ಹಿಂದೂವೇತರರಿಗಿರುವ ಪುಸ್ತಕದಲ್ಲಿ ಸಹಿ ಮಾಡಿದ್ದಾರೆಂದು ಹೇಳ ತೊಡಗಿದರು. ಬಿಜೆಪಿ ನಾಯಕ ಸುಬ್ರಮಣ್ಯ ಸ್ವಾಮಿಯವರಂತೂ ಇನ್ನೂ ಒಂದು ಹೆಜ್ಜೆ ಮುಂದೆ ಹೋಗಿ ರಾಹುಲ್ ಗಾಂಧಿಯವರ ಧಾರ್ಮಿಕ ಗುರುತಿನ ಬಗ್ಗೆಯೇ ಸಂಶಯ ವ್ಯಕ್ತಪಡಿಸಿದರು. ಕೆಲವು ಟಿವಿ ಚಾನೆಲ್ ಗಳು ಈ ಸಹಿ ಕಾಂಗ್ರೆಸ್ ಪಕ್ಷವನ್ನು ಸೋಲಿಸುವಲ್ಲಿ ನಿರ್ಣಾಯಕವಾಗಬಹುದೆಂದು ಸಂಶಯ ವ್ಯಕ್ತಪಡಿಸಿದವು. ಕಾಂಗ್ರೆಸ್ ನೇತಾರರು ಈ ಬಗ್ಗೆ ಸ್ಪಷ್ಟೀಕರಣ ನೀಡಿದರೂ ವಿರೋಧಿಗಳ ಅಬ್ಬರದ ನಡುವೆ ಕ್ಷೀಣ ಸ್ಪಷ್ಟೀಕರಣವು ಯಾರಿಗೂ ಕೇಳಿಸದಂತಾಯಿತು. ಇದೀಗ ದೇವಾಲಯದ ಆಡಳಿತ ಮಂಡಳಿಯ ಕಾರ್ಯದರ್ಶಿಯು ವಿವಾದಕ್ಕೆ ತೆರೆ ಎಳೆದಿದ್ದಾರೆ. ಕಾರ್ಯದರ್ಶಿ ಪಿ ಕೆ ಲಹೇರಿ ಪ್ರಕಾರ, ರಾಹುಲ್ ಗಾಂಧಿ ಹಿಂದೂಗಳಿಗಿರುವ ಸಂದರ್ಶಕರ ಪುಸ್ತಕದಲ್ಲೇ ಸಹಿ ಮಾಡಿದ್ದಾರೆ, ಇದಕ್ಕೆ ಮಂದಿರದ ಮ್ಯಾನೇಜರ್ ವಿಜಯ್ ಸಿಂಗ್ ಚಾವ್ಡಾ ಸಾಕ್ಷಿಯಾಗಿದ್ದಾರೆ. ಭದ್ರತೆಯ ಕಾರಣಗಳಿಂದಾಗಿ ಹಿಂದುವೇತರರಿಗಾಗಿ ಬೇರೆಯೇ ಪುಸ್ತಕವನ್ನು ಕಳೆದ ಮೂರು ವರ್ಷಗಳಿಂದ ಇಟ್ಟಿದ್ದರೂ ರಾಹುಲ್ ಗಾಂಧಿ ಅದರಲ್ಲಿ ಸಹಿ ಮಾಡಿಲ್ಲ ಎಂದು ಅವರು ಹೇಳಿದರು. ಒಂದು ವೇಳೆ ಅವರ ಜೊತೆ ಬಂದವರಲ್ಲಿ ಯಾರೋ ಸಹಿ ಮಾಡಿರಬೇಕು, ಅದರೆ ಸ್ಪಷ್ಟವಾಗಿ ಹೇಳಲಾಗದು, ಆ ಪುಸ್ತಕ ಸೆಕ್ಯೂರಿಟಿ ಗಾರ್ಡ್ ನ ಬಳಿ ಇರುತ್ತದೆ ಎಂದು ಅವರು ಹೇಳಿದರು.

'ವರದಿಗಾರ' ನಿಮಗೆ ಆಪ್ತವೇ?? ಬೆಂಬಲಿಸಲು ಇಲ್ಲಿ ಕ್ಲಿಕ್ ಮಾಡಿ
Click to comment

You must be logged in to post a comment Login

Leave a Reply

The Latest

ಮೂವರು ಸಮಾನ ಮನಸ್ಕ ಸ್ನೇಹಿತರ ಸಮಾಜಕ್ಕೇನಾದರೂ ಒಳಿತು ಮಾಡಬೇಕೆಂಬ ತುಡಿತವೇ 'ವರದಿಗಾರ'

ಪತ್ರಿಕೆಯ ಒಳಗಿನ ಪುಟಗಳ ಸಣ್ಣ ಕಾಲಂಗಳಲ್ಲಿ ಅಡಗಿ ಹೋದ, ಸುಳ್ಳನ್ನು ಅಬ್ಬರಿಸಿ ದಿಕ್ಕು ತಪ್ಪಿಸುವ ಮಾಧ್ಯಮದ ಪ್ರಯತ್ನದ ನಡುವೆ ಸದ್ದಿಲ್ಲದೆ ತೆರೆಮರೆಯಲ್ಲಿ ಅಡಗಿ ಹೋದ ಸತ್ಯವನ್ನು ಜಾಲಾಡಿ ನಿಮ್ಮ ಮುಂದೆ ತರುವುದೇ 'ವರದಿಗಾರ'ನ ಪ್ರಯತ್ನ .

'ವರದಿಗಾರ' ನಿಮಗೆ ಆಪ್ತವೇ?? ಬೆಂಬಲಿಸಲು ಇಲ್ಲಿ ಕ್ಲಿಕ್ ಮಾಡಿ

To Top
error: Content is protected !!
WhatsApp Join our WhatsApp group