ವರದಿಗಾರ- ದೆಹಲಿ: ಜವಾಹರ್ ಲಾಲ್ ನೆಹರು ವಿಶ್ವವಿದ್ಯಾಲಯ (JNU)ದಲ್ಲಿ ಹೀನಾಯವಾಗಿ ಸೋಲನುಭವಿಸಿದ ಸಂಘಪರಿವಾರ ಬೆಂಬಲಿತ ವಿದ್ಯಾರ್ಥಿ ಸಂಘಟನೆ ಎಬಿವಿಪಿ ಗೆ ಕೆಲವೇ ದಿನಗಳ ಅಂತರದಲ್ಲಿ ಇನ್ನೊಂದು ಆಘಾತವಾಗಿದೆ. ದೆಹಲಿ ವಿಶ್ವವಿದ್ಯಾಲಯದ ವಿದ್ಯಾರ್ಥಿ ಸಂಘದ ಚುನಾವಣೆಯಲ್ಲಿ ಪ್ರಮುಖ ಸ್ಥಾನಗಳು ಕಾಂಗ್ರೆಸ್ ನ ವಿದ್ಯಾರ್ಥಿ ಅಂಗವಾದ ಎನ್ ಎಸ್ ಯು ಐ ಪಾಲಾಗಿವೆ.
ಅಧ್ಯಕ್ಷರಾಗಿ ಎನ್ ಎಸ್ ಯು ಐ ಅಭ್ಯರ್ಥಿ ರಾಕ್ಕಿ ತುಶೀದ್ ಚುನಾಯಿತರಾಗಿದ್ದಾರೆ.
ಉಪಾಧ್ಯಕ್ಷರಾಗಿ ಕುನಾಲ್ ಶೆರಾವತ್, ಕಾರ್ಯದರ್ಶಿಯಾಗಿ ಎಬಿವಿಪಿಯ ಮಹಾಮೇಧಾ ನಾಗರ್, ಜೊತೆ ಕಾರ್ಯದರ್ಶಿಯಾಗಿ ಎಬಿವಿಪಿಯ ಉಮಾ ಶಂಕರ್ ಆಯ್ಕೆಯಾಗಿದ್ದಾರೆ.
ಎನ್ ಎಸ್ ಯು ಐ ಐದು ವರ್ಷಗಳ ಬಳಿಕ ಮತ್ತೆ ಅಧ್ಯಕ್ಷ ಸ್ಥಾನವನ್ನು ಅಲಂಕರಿಸಿದೆ. ಕಳೆದ ವಿಧ್ಯಾರ್ಥಿ ಸಂಘದಲ್ಲಿ ಎಬಿವಿಪಿ ಮೂರು ಸ್ಥಾನಗಳನ್ನು ಹೊಂದಿತ್ತು.
ಜೊತೆ ಕಾರ್ಯದರ್ಶಿಯ ಫಲಿತಾಂಶದಲ್ಲಿ ಕೈಚಳಕ ನಡೆದಿದೆ ಎಂದು ಎನ್ ಎಸ್ ಯು ಐ ಆರೋಪಿಸಿದೆ ಹಾಗೂ ಸ್ಥಾನದ ಫಲಿತಾಂಶವನ್ನು ತಡೆಯಲು ನ್ಯಾಯಾಲಯದ ಮೆಟ್ಟಿಲೇರುವುದಾಗಿ ತಿಳಿಸಿದೆ. ಈ ಸ್ಥಾನದ ಮತ ಎಣಿಕೆಯ ಸಂದರ್ಭದಲ್ಲಿ ಕ್ಯಾಮರಾ ಆಫ್ ಮಾಡಲಾಗಿತ್ತು ಎಂಬ ಅರೋಪಗಳು ಕೇಳಿ ಬರಲು ಪ್ರಾರಂಭಿಸಿದೆ.
ಕೆಲವೇ ದಿನಗಳ ಮೊದಲು ನಡೆದ ಜೆ ಎನ್ ಯು ವಿದ್ಯಾರ್ಥಿ ಸಂಘದ ಚುನಾವಣೆಯಲ್ಲಿ ಎಡಪಂಥೀಯ ಮೈತ್ರಿಕೂಟವು ಜಯಗಳಿಸಿತ್ತು ಹಾಗೂ ಎಬಿವಿಪಿ ಹೀನಾಯ ಸೋಲನುಭವಿಸಿತ್ತು.
ಮೋದಿ ಸರಕಾರವು ರೈತ ವಿರೋಧಿಯೇ?
This poll has been finished and no longer available to vote !
Join our WhatsApp group