ವರದಿಗಾರ (ಸೆ.30): ಮಥುರಾದ ಶ್ರೀ ಕೃಷ್ಣ ಜನ್ಮ ಭೂಮಿ ಪಕ್ಕದಲ್ಲಿರುವ ಶಾಹಿ ಈದ್ಗಾ ಮಸೀದಿ ತೆರವುಗೊಳಿಸಿ ಅದರ ಎಲ್ಲಾ ಜಮೀನನ್ನು ಹಸ್ತಾಂತರಿಸಬೇಕು ಎಂದು ಕೋರಿ ಭಗವಾನ್ ಶ್ರೀ ಕೃಷ್ಣ ವಿರಾಜಮಾನ್ ಸಲ್ಲಿಸಿದ್ದ ಅರ್ಜಿಯನ್ನು ಮಥುರಾ ಸಿವಿಲ್ ನ್ಯಾಯಾಲಯ ವಜಾಗೊಳಿಸಿದೆ.
ಇದರ ವಿರುದ್ಧ ಅಲಹಾಬಾದ್ ಹೈಕೋರ್ಟ್ ಮೊರೆ ಹೋಗಲು ಅರ್ಜಿದಾರರು ನಿರ್ಧರಿಸಿದ್ದಾರೆ. ಶಾಹಿ ಈದ್ಗಾ ಮಸೀದಿ ತೆರವುಗೊಳಿಸಿ ಒಟ್ಟು ಭೂಮಿಯನ್ನು ಹಸ್ತಾಂತರಿಸಬೇಕು ಎಂದು ಕೃಷ್ಣ ವಿರಾಜಮಾನ ಪರ ವಕೀಲರಾದ ಹರಿಶಂಕರ್, ವಿಷ್ಣು ಜೈನ್ ಈ ತಿಂಗಳ 25 ರಂದು ಮಥುರಾ ನ್ಯಾಯಾಲಯಕ್ಕೆ ಅರ್ಜಿ ಸಲ್ಲಿಸಿದ್ದರು.
ರಾಯಲ್ ಈದ್ಗಾ ಮಸೀದಿ ಇರುವ ಪ್ರದೇಶ ಶ್ರೀ ಕೃಷ್ಣ ಜನಿಸಿದ ಜೈಲಾಗಿದೆ. ಈ ಜಾಗದ ಪ್ರತಿ ಅಂಗುಲವೂ ಶ್ರೀ ಕೃಷ್ಣ ಭಕ್ತರರಿಗೆ, ಹಿಂದೂ ಸಮಾಜಕ್ಕೆ ಪವಿತ್ರವಾದದ್ದು ಎಂದು ಭಗವಾನ್ ಶ್ರೀ ಕೃಷ್ಣ ವಿರಾಜಮಾನ್ ಹೇಳಿಕೊಳ್ಳುತ್ತಿದೆ ಎಂದು ಅರ್ಜಿಯಲ್ಲಿ ತಿಳಿಸಲಾಗಿತ್ತು.
ಮೊಘಲ್ ದೊರೆ ಔರಂಗಜೇಬನ ಸೇನೆ ಶ್ರೀ ಕೃಷ್ಣ ಜನ್ಮ ಸ್ಥಳ ಎಂದು ‘ನಂಬಿರುವ ಸ್ಥಳ’ಕೆಲ ಭಾಗವನ್ನು ಧ್ವಂಸಗೊಳಿಸಿದ್ದರು ಎಂದು ಅರ್ಜಿಯಲ್ಲಿ ತಿಳಿಸಲಾಗಿದೆ.
Join our WhatsApp group