ರಾಷ್ಟ್ರೀಯ ಸುದ್ದಿ

ಉತ್ತರ ಪ್ರದೇಶದಲ್ಲಿ ಮತ್ತೊಬ್ಬ ದಲಿತನ ಥಳಿಸಿ ಹತ್ಯೆ

48 ಗಂಟೆಗಳಲ್ಲಿ ಗುಂಪು ಹತ್ಯೆಗೆ ಇಬ್ಬರು ಬಲಿ; ಮಾಯಾವತಿ ಆಕ್ರೋಶ

ವರದಿಗಾರ (ಸೆ.8): ಉತ್ತರ ಪ್ರದೇಶದಲ್ಲಿ ಕೊಲೆ ಆರೋಪಿಯೊಬ್ಬನನ್ನು ಗುಂಪು ಹತ್ಯೆ ನಡೆಸಿದ ಘಟನೆ ನಡೆದ ಮರುದಿನವೇ 45 ವರ್ಷ ವಯಸ್ಸಿನ ದಲಿತ ವ್ಯಕ್ತಿಯನ್ನು ಐವರು ಸೇರಿ ಹತ್ಯೆ ಮಾಡಿದ ಭೀಭತ್ಸ ಘಟನೆ ಭಾನುವಾರ ಸಂಜೆ ಮೈನ್ ಪುರಿ ಎಂಬಲ್ಲಿ ನಡೆದಿದೆ.

ಬಲಪಂಥೀಯ ಸಂಘಟನೆಯ ಕಾರ್ಯಕರ್ತರು ಪರಿಶಿಷ್ಟ ಜಾತಿಗೆ ಸೇರಿದ ಸರ್ವೇಶ್ ದಿವಾಕರ್ ಎಂಬವರನ್ನು ಥಳಿಸಿ ಹತ್ಯೆ ಮಾಡಿದ್ದಾರೆ ಎಂದು ವಿರೋಧ ಪಕ್ಷಗಳು ಆರೋಪಿಸಿವೆ. ಆದರೆ ಪೊಲೀಸರು ಎಂದಿನಂತೆ ಈ ಘಟನೆಯನ್ನು ನಿರಾಕರಿಸಿದ್ದಾರೆ.

ಮೃತ ದಿವಾಕರ್ ಅವರು ತಳ್ಳುಗಾಡಿಯ ಮೇಲೆ ಮಿಠಾಯಿ ಮಾರಾಟ ಮಾಡುತ್ತಿದ್ದರು. ಪಶ್ಚಿಮ ಯುಪಿಯ ಮೈನ್‌ಪುರಿಯಲ್ಲಿ ಬಾಡಿಗೆ ಮನೆಯಲ್ಲಿ 16 ವರ್ಷದ ಮಗಳ ಜೊತೆ ವಾಸಿಸುತ್ತಿದ್ದರು. ಮಗಳು ಇತರರ ಮನೆಗಳಲ್ಲಿ ಮನೆ ಕೆಲಸ ಮಾಡುತ್ತಾ ಸ್ಥಳೀಯ ಶಾಲೆಯಲ್ಲಿ ಓದುತ್ತಿದ್ದಾಳೆ. ಆದರೆ ಕೊರೊನಾ ಸಾಂಕ್ರಾಮಿಕದ ಬಳಿಕ ಅವರ ಜೀವನ ನಿರ್ವಹಣೆ ಕಷ್ಟವಾದ ಪರಿಣಾಮ ಕೆಲವು ದಿನಗಳ ಹಿಂದೆ ದಿವಾಕರ್ ಅವರು ತಮ್ಮ ಮಗಳನ್ನು ಸಂಬಂಧಿಕರ ಮನೆಗೆ ಕಳುಹಿಸಿದ್ದಾರೆ.

ಆದರೆ ಈ ವಿಷಯವನ್ನು ತಪ್ಪಾಗಿ ಅರ್ಥೈಸಿಕೊಂಡ ಗ್ರಾಮಸ್ಥರು, ಮಗಳನ್ನು ಮಾರಿದ್ದಾನೆ ಎಂದು ಆರೋಪಿಸಿದರು. ಇದು ವದಂತಿಯಾಗಿ ಹಬ್ಬಿತು. ಐವರು ಸೇರಿ ದಿವಾಕರ್ ಅವರಿಗೆ ತೀವ್ರವಾಗಿ ಹಲ್ಲೆ ನಡೆಸುತ್ತಿರುವ ವೀಡಿಯೋ ವೈರಲ್ ಆಗಿದೆ.
ಮನೆಯ ಟೆರೇಸ್ ಮೇಲೆ ಐವರು ಕಾಲಿನಿಂದ ಒದೆಯುತ್ತಿರುವುದು ಮತ್ತು ಕಪಾಳಮೋಕ್ಷ ಮಾಡುವುದು, ದಿವಾಕರ್ ಅವರು ನೆಲಕ್ಕೆ ಕುಸಿದು ಬಿದ್ದ ಬಳಿಕವೂ ನಿರ್ದಯವಾಗಿ ಹಲ್ಲೆ ನಡೆಸುತ್ತಿರುವುದು ವೀಡಿಯೋದಲ್ಲಿದೆ.

ಸಮಾಜವಾದಿ ಪಕ್ಷವು ಈ ಘಟನೆಯ ವೀಡಿಯೊ ಕ್ಲಿಪ್ ಅನ್ನು ಶೇರ್ ಮಾಡಿದ್ದು, ಬಲಪಂಥೀಯ ಗುಂಪು ಈ ಕೃತ್ಯವೆಸಗಿದೆ ಎಂದು ಆರೋಪಿಸಿದೆ.

ಬಿಎಸ್ಪಿ ಮುಖ್ಯಸ್ಥೆ ಮಾಯಾವತಿ ಕೂಡ ಈ ಘಟನೆಯ ಬಗ್ಗೆ ಟ್ವೀಟ್ ಮಾಡಿದ್ದಾರೆ ಮತ್ತು ರಾಜ್ಯದಲ್ಲಿ ಹೆಚ್ಚುತ್ತಿರುವ ಗುಂಡಿನ ದಾಳಿ ಕೊಲೆ ಪ್ರಕರಣಗಳು ತುಂಬಾ ದುಃಖಕರ ಎಂದು ಹೇಳಿದ್ದಾರೆ.

“ನಿನ್ನೆ ಯುಪಿಯ ಮೈನ್‌ಪುರಿಯಲ್ಲಿ ದಲಿತ ಯುವಕ ಸರ್ವೇಶ್ ಕುಮಾರ್, ಅದೇ ರೀತಿ ಮಹಾರಾಜ್‌ಗಂಜ್‌ನಲ್ಲಿ ಗೋವಿಂದ್ ಚೌಹಾನ್, ಶಹಜಹಾನ್ಪುರದ ರಾಜ್‌ವೀರ್ ಮೌರ್ಯ, ಬರೇಲಿಯ ವಾಸಿದ್, ಕುಶಿನಗರದ ಸುಧೀರ್ ಸಿಂಗ್ ಮತ್ತು ಬಂಡಾದಲ್ಲಿ ವಿನೋದ್ ಗರ್ಗ್ (ಬ್ರಾಹ್ಮಣ) ಅವರನ್ನು ಥಳಿಸಿ ಹತ್ಯೆ ಮಾಡಲಾಗಿದೆ. ಗುಂಡಿಕ್ಕಿ ಹತ್ಯೆ, ಕೊಲ್ಲುವುದು ತುಂಬಾ ದುಃಖಕರ ಎಂದು ಮಾಯಾವತಿ ಟ್ವೀಟ್ ಮಾಡಿದ್ದಾರೆ.

ಆದರೆ ಪೊಲೀಸರು ದಿವಾಕರ್ ಹತ್ಯೆಯ ಹಿಂದೆ ಬಲಪಂಥೀಯ ಸಂಘಟನೆ ಇದೆ ಎಂಬುದನ್ನು ಒಪ್ಪಿಕೊಳ್ಳಲು ತಯಾರಿಲ್ಲ.

 

 

 

ಆದರೆ ಸೋಮವಾರ ಬಿಡುಗಡೆ ಮಾಡಿದ ಹೇಳಿಕೆಯಲ್ಲಿ ಸ್ಥಳೀಯ ಪೊಲೀಸರು ಯಾವುದೇ ಗುಂಪುಗಳು ಭಾಗಿಯಾಗಿಲ್ಲ ಎಂದು ನಿರಾಕರಿಸಿದ್ದಾರೆ. “ಪೊಲೀಸರು ಸ್ಥಳಕ್ಕೆ ತಲುಪಿ ವ್ಯಕ್ತಿಯನ್ನು ಆಸ್ಪತ್ರೆಗೆ ಕರೆದೊಯ್ದಿದ್ದರು. ಅವರು ಜಿಲ್ಲಾ ಆಸ್ಪತ್ರೆಯಲ್ಲಿ ನಿಧನರಾದರು. ನಾವು ತಕ್ಷಣ ವೀಡಿಯೊವನ್ನು ಅರಿತುಕೊಂಡಿದ್ದೇವೆ ಮತ್ತು ಅದರಲ್ಲಿ ನೋಡಿದ ಐದು ಜನರಲ್ಲಿ ನಾಲ್ವರನ್ನು ಬಂಧಿಸಿದ್ದೇವೆ. ನಾವು ಆರೋಪಿಗಳ ಯಾವುದೇ ಸಂಪರ್ಕವನ್ನು ಸ್ಥಾಪಿಸಿಲ್ಲ ಇಲ್ಲಿಯವರೆಗೆ ಯಾವುದೇ ಉಡುಪಿನಲ್ಲಿ ಪುರುಷರು. ಕಾನೂನಿನ ದೃಷ್ಟಿಯಲ್ಲಿ ಅವರು ಕೇವಲ ಅಪರಾಧಿಗಳು. ದಯವಿಟ್ಟು ವದಂತಿಗಳನ್ನು ಹರಡಬೇಡಿ “ಎಂದು ಮೈನ್‌ಪುರಿ ಪೊಲೀಸರು ಹೇಳಿಕೆಯಲ್ಲಿ ತಿಳಿಸಿದ್ದಾರೆ.

ಈ ಹೇಳಿಕೆಯು ಪುರುಷರನ್ನು ಹೆಸರಿಸಲಿಲ್ಲ ಅಥವಾ ಶ್ರೀ ದಿವಾಕರ್ ಅವರ ಮೇಲೆ ಇಂತಹ ಲಜ್ಜೆಗೆಟ್ಟ ದಾಳಿಯನ್ನು ಹೇಗೆ ನಿರ್ವಹಿಸಿತು ಎಂಬುದನ್ನು ವಿವರಿಸಲಿಲ್ಲ.

ಪೂರ್ವ ಯುಪಿಯ ಕುಶಿನಗರದಲ್ಲಿ ಸೋಮವಾರ ಕೊಲೆ ಆರೋಪಿಯೊಬ್ಬನನ್ನು ಪೊಲೀಸರ ಸಮ್ಮುಖದಲ್ಲಿ ಥಳಿಸಲಾಯಿತು.

ನಿರ್ಲಕ್ಷ್ಯದಿಂದಾಗಿ ಈ ಪ್ರದೇಶದ ಪೊಲೀಸ್ ಠಾಣೆಯ ಉಸ್ತುವಾರಿ ಅಮಾನತುಗೊಳಿಸಲಾಗಿದೆ.

ಮೋದಿ ಸರಕಾರವು ರೈತ ವಿರೋಧಿಯೇ?

'ವರದಿಗಾರ' ನಿಮಗೆ ಆಪ್ತವೇ?? ಬೆಂಬಲಿಸಲು ಇಲ್ಲಿ ಕ್ಲಿಕ್ ಮಾಡಿ

The Latest

ಮೂವರು ಸಮಾನ ಮನಸ್ಕ ಸ್ನೇಹಿತರ ಸಮಾಜಕ್ಕೇನಾದರೂ ಒಳಿತು ಮಾಡಬೇಕೆಂಬ ತುಡಿತವೇ 'ವರದಿಗಾರ'

ಪತ್ರಿಕೆಯ ಒಳಗಿನ ಪುಟಗಳ ಸಣ್ಣ ಕಾಲಂಗಳಲ್ಲಿ ಅಡಗಿ ಹೋದ, ಸುಳ್ಳನ್ನು ಅಬ್ಬರಿಸಿ ದಿಕ್ಕು ತಪ್ಪಿಸುವ ಮಾಧ್ಯಮದ ಪ್ರಯತ್ನದ ನಡುವೆ ಸದ್ದಿಲ್ಲದೆ ತೆರೆಮರೆಯಲ್ಲಿ ಅಡಗಿ ಹೋದ ಸತ್ಯವನ್ನು ಜಾಲಾಡಿ ನಿಮ್ಮ ಮುಂದೆ ತರುವುದೇ 'ವರದಿಗಾರ'ನ ಪ್ರಯತ್ನ .

'ವರದಿಗಾರ' ನಿಮಗೆ ಆಪ್ತವೇ?? ಬೆಂಬಲಿಸಲು ಇಲ್ಲಿ ಕ್ಲಿಕ್ ಮಾಡಿ

To Top
error: Content is protected !!
WhatsApp Join our WhatsApp group