ಸುತ್ತ-ಮುತ್ತ

ಜಾಲ್ಸೂರು ಪಯನೀರ್ ಪಬ್ಲಿಕ್ ಸ್ಕೂಲ್ : ಸ್ಥಾಪಕರ ಹಾಗೂ ಪ್ರತಿಭಾ ದಿನಾಚರಣೆ

ವರದಿಗಾರ  (ಜ 8) : ಪಯನೀರ್ ಪಬ್ಲಿಕ್ ಸ್ಕೂಲ್ ಜಾಲ್ಸೂರು ಇದರ ಸ್ಥಾಪಕರ ಹಾಗೂ ಪ್ರತಿಭಾ ದಿನಾಚರಣೆ ಇತ್ತೀಚೆಗೆ ನಡೆಯಿತು. ಸಭಾ ಕಾರ್ಯಕ್ರಮದ ಅಧ್ಯಕ್ಷತೆಯನ್ನು ಹಾಸನ ಜನಪ್ರಿಯ ಆಸ್ಪತ್ರೆಯ ಸರ್ಜನ್ ಡಾ. ಕಿರಾಶ್ ರವರು ವಹಿಸಿಕೊಂಡಿದ್ದರು. ಸಭೆಯನ್ನುದ್ದೇಶಿಸಿ ಮಾತನಾಡಿದ ಡಾ. ಕಿರಾಶ್, ಶಾಲೆಯ ಅಧ್ಯಾಪಕರೊಂದಿಗೆ ರಕ್ಷಕರೂ ತಮ್ಮ ಮಕ್ಕಳ ಕ್ಷೇಮಾಭಿವೃದ್ಧಿಯ ಕುರಿತಾಗಿ ಶಿಕ್ಷಕರೊಂದಿಗೆ ಸಂವಹನ ನಡೆಸುತ್ತಿರಬೇಕು ಮಾತ್ರವಲ್ಲ ಮಕ್ಕಳ ಹುಟ್ಟುಹಬ್ಬದಂತಹಾ ಸಂದರ್ಭಗಳಲ್ಲಿ ಅವರಿಗೆ ಉಡುಗೊರೆಗಳಾಗಿ ಪುಸ್ತಕಗಳನ್ನು ನೀಡಿ ಅವರಲ್ಲಿ ಓದಿನ ಕುರಿತಾಗಿ ಹೆಚ್ಚಿನ ಆಸಕ್ತಿ ಮೂಡಿಸಿ ಅವರನ್ನು ಮೊಬೈಲ್, ಟ್ಯಾಬ್ ಹಾಗೂ ಲ್ಯಾಪ್ ಟ್ಯಾಪ್ ಗಳಿಂದ ದೂರವಿರಿಸಬೇಕೆಂದು ಸಲಹೆ ನೀಡಿದರು.

ವೇದಿಕೆಯಲ್ಲಿ ಸಂಸ್ಥೆಯ ಸ್ಥಾಪಕಾಧ್ಯಕ್ಷರಾದ ಅಬ್ದುಲ್ ರಝಾಕ್ ಕೆ ಸಿ,  ಪ್ರೌಢಶಾಲಾ ಶಿಕ್ಷಕರ ಸಂಘ, ಕರ್ನಾಟಕ ಇದರ ಅಧ್ಯಕ್ಷರಾದ ಶ್ರೀ ಮೆಹಬೂಬ್ ಸಾವ್ ಎನ್ ಕೆ ಮಡಿಕೇರಿ, ಬಿ ಎ ಶಿಕ್ಷಣ ಸಮೂಹ ಸಂಸ್ಥೆಗಳ ಆಡಳಿತಾಧಿಕಾರಿ ಅಬ್ದುಲ್ ಕಬೀರ್, ನಾಪೋಕ್ಲು ಆಕ್ಸ್’ಫರ್ಡ್ ಶಾಲೆಯ ಅಧ್ಯಕ್ಷರಾದಂತಹಾ ಶಾಹಿದ್ ಅಲಿ, ಸಂಸ್ಥೆಯ ಶೈಕ್ಷಣಿಕ ಸಲಹೆಗಾರ ರಾಜಾರಾಮ ನೆಲ್ಲಿತ್ತಾಯ, ಶಾಲಾ ಪ್ರಭಾ ಮುಖ್ಯೋಪಾಧ್ಯಾಯಿನಿ ಶ್ರೀಮತಿ ವಿಜಯಲಕ್ಷ್ಮಿ, ಶಾಲಾ ಶಿಕ್ಷಕ-ರಕ್ಷಕ ಸಂಘದ ಅಧ್ಯಕ್ಷೆ ಶ್ರೀಮತಿ ವತ್ಸಲ ದೇವಿಪ್ರಸಾದ್, ಹಾಗೂ ಉಪಾಧ್ಯಕ್ಷ ಕೃಷ್ಣಪ್ಪ ಗೌಡ ಉಪಸ್ಥಿತರಿದ್ದರು.

ಶಾಲೆಯ ಟ್ರಸ್ಟಿ ಇಕ್ಬಾಲ್ ಸ್ವಾಗತಿಸಿದರೆ, ಉಪಾಧ್ಯಕ್ಷ ದಾನಿಶ್ ಅಹ್ಮದ್ ವಂದಿಸಿದರು. ಸಭಾ ಕಾರ್ಯಕ್ರಮದ ನಂತರ ಪುಟಾಣಿಗಳಿಂದ ವಿವಿಧ ಸಾಂಸ್ಕೃತಿಕ ಕಾರ್ಯಕ್ರಮಗಳು ನಡೆದು, ಸಾರ್ವಜನಿಕರ, ಪೋಷಕರ ಮನಗೆದ್ದವು.

To Top
error: Content is protected !!
WhatsApp chat Join our WhatsApp group